हिजबुल्लाहका मुख्य नेता हसन नसरल्लाहलाई मारेको इजरायलको दाबी

Laltin.com

असोज १३, २०८१ आइतबार

हिजबुल्लाहका मुख्य नेता हसन नसरल्लाहलाई मारेको इजरायलको दाबी

इजरायलले लेबनानको सैन्य समूह हिजबुल्लाहका मुख्य नेता हसन नसरल्लाहलाई मारेको दाबी गरेको छ । गएराति लेबनानको बेरुतमा गरेको हवाई आक्रमणमा नसरल्लाहलाई मरेको इजरायली सेनाले जनाएको छ । हिजबुल्लाहका मुख्य नेता नै इजरायलको आक्रमणमा मारिएपछि मध्यपूर्वमा ठूलो युद्धको बादल मडारिएको बीबीसीले जनाएको छ ।

हिजबुल्लाहलाई सबैभन्दा ठूलो समर्थन इरानको रहेको छ । अब इरानले इजरायलमाथि आक्रमण गर्न सक्ने र यी दुई देशबीच पूर्ण क्षमताको युद्ध भएमा मध्यपूर्व मात्र नभई विश्व नै युद्धमा धकेलिन सक्ने बीबीसीको विश्लेषणमा उल्लेख छ ।

हिजबुल्लाहलाई बेलायत, अमेरिका र अन्य केही देशले आतङ्कवादी सङ्गठन मान्दछन् । तर, लेबनानमा भने हिजबुल्लाह एक राजनीतिक दल पनि हो, लेबनानको संसदमा पनि यसको प्रतिनिधित्व छ । हिजबुल्लाह सरकारको एक भाग पनि हो । यो लेबनानी समाजको एक हिस्सा बनिसकेको छ ।

एजेन्सी